Mbrëmë në Athinë ka ndodhur një konflikt i madh mes tifozëve të AEK-ut grek  dhe atyre të Dinamo Zagrebit, ku për pasojë një 22 vjeçar mbeti i vrarë.

Të paktën gjashtë persona kanë mbetur të plagosur nga përplasjet e tifozëve, transmeton gazeta online Reporteri.net.

“Para stadiumit kanë ndodhur incidente të rënda. Një i ri grek u godit me thikë për vdekje dhe gjashtë të plagosur të tjerë janë ende në spital”, tha policia greke.

22-vjeçari i plagosur me thikë u dërgua në një spital të Athinës para se t’i dorëzohej plagëve të marra, shtoi policia.

07.08.2023, AEK Athens🇬🇷 vs BBB (Dinamo Zagreb🇭🇷), AEK run https://t.co/Fjy3xrlEmQ pic.twitter.com/GFU1DwWCj7

— Hooligans.cz Official (@hooliganscz1999) August 7, 2023

Siç thuhet në njoftimin e policisë, mes të arrestuarve janë 87 shtetas kroatë, pesë grekë dhe një austriak, shqiptar, boshnjak dhe gjerman.

Gjithçka ka ndodhur në pjesën e Athinës të quajtur “New Filadelfia”, ku ndodhet edhe stadiumi i AEK-ut./Reporteri.net/