Milot Rashica ka shënuar një tjetër gol për Werder Bremenin në ndeshjen kundër Wolfsburgut

Werder Bremen është pranë një fitore të madhe në udhëtim te Wolfsburg, shkruan Reporteri.net

Rashica në këtë takim ka shënuar dy gola, një nga penalltia në minutën e 13-të, ndërsa tani ka shënuar edhe nga loja e hapur.

Ylli nga Vushtrria pranoi një top të bukur nga Eggestein dhe më pas mposhti portierin e Wolfsburgut me një goditje të bukur me të majtën.

Ashtu si në golin e parë edhe në të dytin Miloti festoi me shqiponjë.

Werderi është duke fituar 3-2 kur kanë mbetur më pak se 10 minuta deri në fund të takimit. /Reporteri.net/