Sipas Il Corriere della Sera, Zlatan Ibrahimovic është afër zgjatjes së kontratës së tij me Milanin, por Rossonerët po planifikojnë gjithashtu të nënshkruajnë me një sulmues të ri.

Kontrata e 39-vjeçarit skadon në qershor, por sulmuesi është i hapur për të qëndruar në klub deri në vitin 2022.

“Nëse Paolo [Maldini] dëshiron, unë jam gati” – tha Ibrahimovic të dielën.

Sipas Il Corriere della Sera, Milani nuk dëshiron të ndahet me ish-sulmuesin e Barcelonës dhe Manchester United.

Ekziston optimizëm në lidhje me zgjatjen e kontratës së tij edhe për një sezon.

Ibrahimovic mbush 40 vjeç në tetor, por Rossonerët janë të vetëdijshëm se ai luajti një rol vendimtar në zhvillimin e klubit dhe lojtarëve të rinj.

Për këtë arsye, ata janë të gatshëm të diskutojnë për një zgjatje të kontratës një vjeçare që do ta shihte suedezin të mbante një pagë prej 7 milionë euro në vit.

Sidoqoftë, drejtorët e Milanit e dinë që Ibrahimovic nuk do të luajë çdo ndeshje dhe po planifikojnë gjithashtu të nënshkruajnë një qendërsulmues të ri për sezonin 2021-22.

Andrea Belotti i Torinos është lidhur me një transferim në Milano, por sipas raporteve në Itali, Donyell Malen i PSV është gjithashtu në radarët e Rossonerëve.

Mino Raiola do të luajë një rol kryesor në negociata pasi ai është agjent i Ibrahimovicit dhe i Malen.