“Stadiumi pa Plisa, si pylli pa lisa”.
Ky raportohet të jetë njëri nga mesazhet e disa anëtarëve të tifogrupit nga Prishtina, jashtë stadiumit “Air Albania”.Kjo pasi ata nuk u lanë të futen brenda.
Federata Shqiptare e Futbollit, gjatë ditës është raportuar se nuk ka ndarë bileta për “Plisat”, për ndeshjen me Ishujt Faroe. FSHF-ja ende s’e ka bërë të ditur zyrtarisht arsyen e këtij zhvillim.
Ndryshe ,edhe kryeministri i Shqipërisë, Edi Rama, i shoqëruar nga bashkëshortja e tij, Linda Rama dhe i biri, Zaho ndodhet në stadiumin “Arena Kombëtare”, ku po e ndjekin nga afër ndeshjen Shqipëri- Ishujt Faroe.
I pozicionuar në tribunën VIP të stadiumit “Air Albania” Rama nuk ka munguar në këtë sfidë kaq të rëndësishme për Kombëtaren shqiptare, e cila synon për të marrë një fitore dhe për të ruajtur vendin e parë në grup.