Anëtari i Manchester United, e i cili së fundi ka shprehur dëshirën për tu larguar nga klubi, ka folur rreth jetës privatë së fundmi.

Francezi ka folur për fenë Islame dhe tregon arsyet që e shtynë atë të konvertohet në islam, shkruan Reporteri.net

I lindur nga një baba i krishterë dhe një nënë myslimane, Pogba u konvertua vonë në fenë myslimane, i cili u ndikua nga besimi i të afërmve të tij.

“Kam pasur shumë miq myslimanë, ka pasur shumë biseda dhe pyetje për shumë gjëra dhe pastaj fillova me hulumtimet e mia. Unë u luta me ta njëherë, ndjeva diçka ndryshe, isha mirë pastaj vazhdova”, ka thënë francezi.

Pogba poashtu ka rrëfyer se dikur ishte një njeri më i ashpër, më gjaknxehtë por tani ka ndryshuar shumë falë konvertimit në islam.

“Më bëri mirënjohës për gjithçka që ndodhi në jetën time. Më zbuti shumë. Islami nuk është imazhi që të gjithë e shohin, terrorizëm, atë që dëgjojnë në media. Është me të vërtetë diçka tjetër, diçka e bukur”, ka thënë ai.

Francezi ka përfunduar duke shtuar se islami është fe që ia hapi mendjen atij dhe që ndoshta e bëri person më të mirë./Reporteri.net/