Prishtina ka shënuar fitore 2-0 ndaj Dukagjinit në stadiumin Fadil Vokrri

Skuadra nga kryeqyteti ka shënuar fitoren e tretë me radhë në Superligë, ndërsa të dytën nën drejtimin e Armend Dallkut, shkruan Reporteri.net

Prishtina sot luajti ndeshjen e mbetur me Dukagjinin ku triumfoi 2-0 në Fadil Vokrri.

Golat për ‘Plisat’ në këtë takim u shënuan nga Meriton Korenica 7′ dhe Leonit Abazi 51′.

Pas kësaj fitore Prishtina grumbullon 10 pikë dhe është në vendin e gjashtë, derisa lideri i Superligës Feronikeli ka 12 pikë.

Në anën tjetër Dukagjini është në vendin e fundit me vetëm 1 pikë pas gjashtë ndeshjeve. /Reporteri.net/