Kanë përfunduar ndeshjet e sotme në kuadër të javës së 27-të në Superligën e Kosovës, përcjell Reporteri.net.

Sot, Llapi ishte mysafir në Prishtinë,  kurse Ulpiana priti Dritën në Lipjan.

E, ndeshja mes Prishtinës dhe Llapit në “Fadil Vokrri” i takoi kryeqytetasve me rezultat të ngushtë 2:1.

Besnik Krasniqi  në minutën e 51-të dhe Endrit Krasniqi në minutën e 65-të i shënuan golat për Prishtinën, teksa për llapjanët shënoi Drilon Fazliu në minutën e 78-të.

Ndërkaq, Drita mposhti Ulpianën në stadiumin “Sami Kelmendi” me rezultat 2:3.

Jashari shënoi në fillim të ndeshjes, në minutën e 5-të pastaj dhe dygolëshi i Simonovskit në nimutën e 25-të dhe 59-të ia sollën fitoren Dritës, e, për Ulpianën shënuan Rezi (’20) dhe Makolli në minutën e 43-të.