Miliarderi rus, Roman Abramovich ka njoftuar të mërkurën se ka në plan të shesë klubin e futbollit Chelsea, pasi është në interesin më të mirë të klubit, tifozëve, punonjësve, si dhe sponsorëve dhe partnerëve të klubit.

Nuk u dha asnjë orar, por Abramovich tha se shitja nuk do të përshpejtohet, shkruan CNN, përcjellë Gazeta Online Reporteri.net.

Të shtunën, Abramovich deklaroi se ai ua dha administrimin e klubit administratorëve të fondacionit bamirës të klubit.

Shitja e propozuar e Chelsea FC do t’i japë fund shembullit të profilit të lartë të ndikimit dhe pasurisë ruse në Londër.

Roman Abramovich bleu klubin e Londrës perëndimore 19 vjet më parë për 140 milion funte.

Abramovich, i cili është 55 vjeç dhe ka nënshtetësi izraelite dhe portugeze, ndërtoi një pasuri të vlerësuar nga Forbes në 13.3 miliardë dollarë nëpërmjet industrisë së naftës, pas rënies së ish-Bashkimit Sovjetik në vitet 1990.

Ka pasur thirrje në rritje në Mbretërinë e Bashkuar për ta përfshirë atë në sanksione kundër Rusisë për lidhjet e tij të supozuara me Vladimir Putin, të cilat ai i mohon./Reporteri.net/