Futbollisti i Kombëtares së Shqipërisë, Elseid Hysaj, është afër largimit nga Napoli dhe fillimit të një aventure të re në karrierën e tij.

Elseid Hysaj është afër largimit nga Italia, aty ku e kaloi gjithë karrierën e deri tanishme prej futbollisti.

25 vjeçari është afër kompletimit të transferimit te Atletico Madridi, madje disa nga mediat spanjolle këtë e konsiderojnë tashmë si punë të kryer.

Mbrojtësi i djathtë pritet që në ditët e ardhshme të zyrtarizohet te skuadra nga Madridi. Edhe sipas gazetës italine ‘La Repubblica’, ky transferim do të ndodhë. Ata raportojnë se presidenti i Napolit, Aurelio De Laurentiis, e ka konfirmuar arritjen e marrëveshjes mes klubeve për transferimin e mbrojtësit shqiptar.

Përveç Napolit, Elseid Hysaj në Serie A ka luajtur edhe për skuadrën e Empolit.