Xherdan Shaqiri nuk po kalon momentet më të mira në Liverpool, anipse arriti të shpallet kampion në Champions League.
Futbollisti nga Zhegra e Gjilanit ka humbur si duket besimin e Jurgen Klopp dhe lëndimet e shpeshta kanë bërë që ai ta humbë edhe vendin në formacionin e Liverpoolit, shkruan Reporteri.net
I gjendur në një situatë të tillë, Shaqiri do të kërkojë skuadër të re, njëjtë siç do ta shfrytëzojnë klubet momentin e keq për ta transferuar me një shumë më të vogël.
Skuadra e Steven Gerrardit, Rangers ka shprehur interesim për 28-vjeçarin dhe janë të gatshëm të ofrojnë deri në 13 milionë për t’i siguruar shërbimet e tij.
Trajneri Steven Gerrard po synon të ndërtojë një ekip të fortë në Rangers dhe pëlqen yllin shqiptar.
Xherdan Shaqiri ka ndërruar edhe në të kaluarën skuadër në janar, duke u transferuar nga Bayern Munich te Inter./Reporteri.net/