Ish-interisti Rafinha sapo është rekuperuar nga një dëmtim i rëndë në ligamentet e krociatit të gjurit të majtë dhe nëpërmjet një dokumentari me metrazh të shkurët ka dokumentuar të gjithë procesin e vështirë të riaftësimit të tij, që do të transmetohet ditën e shtunë në televizionin spanjoll.

Dokumentari bazohet në konceptin filozofik të elasticitetit, fleksibilitetit dhe aftësisë ripërtëritëse, koncept të cilin futbollisti brazilian e ka vulosur në trupin e tij, duke e bërë tatuazh, pas dëmtimit të tmerrshëm në menisk.

Në rrëfimin e rekuperimit të tij do të shfaqen edhe babai, Mazinho, kampion bote me Brazilin në vitin 1994, natyrisht i gatshëm për të këshilluar djalin e tij, dhe vëllai, Thiago Alcantara, mesfushori i Bayern Munich, sikurse dhe disa shokë skuadre te Barcelona: Ter Stegen, Sergi Roberto, Arthur dhe Coutinho. /Telesport/