Kosova ka shënuar fitore madhështore në tempullin e madh të Fadil Vokrrit, pasi mposhti Çekinë me rezultat 2:1.

‘Dardanët’ me këtë fitore tani grumbullojnë 8 pikë, pas 4 ndeshjeve të luajtura dhe janë në pozitën e parë, së paku deri sa të përfundojë ndeshja Angli – Bullgari, shkruan Reporteri.net

Menjëherë pas ndeshjes ka reaguar edhe kapiteni i parë i Përfaqësueses së Kosovës, Anel Raskaj i cili nuk ka mundur ta fshehë gëzimin e madh.

“Kosova 2-1 Czech Republic. Qfar lojtar Kosoooovaaa qe japin krejt qka kan ne fush ekipi Fantastik perkrahja Fantastike flm shum. Ëhat a team. Gladiators. Next England”, ka shkruar Raskaj në facebook.

Kosova pas tri ditësh udhëton për në St Marys Stadium, atje ku do të përballet me ‘Tre Luanët’ e Anglisë, sfidë kjo që bartë në vete të ardhmen e ‘Dardanëve’ në këto kualifikime./Reporteri.net/