Futbollistët në zhveshtoren e Paris Saint-Germainit e tallën Neymarin, kur ku i fundit bëri të ditur se është duke qëndruar në Francë. Bashkëlojtarët e tij filluan t’i thonë “se queda” brazilianit.

Fraza spanjolle “se queda” i referohet postimit të Gerarrd Pique në Instagram për Neymarin.

Mbrojtësi i Barcelonës e kishte publikuar një foto të vetes me Neymarin, të cilën e kishte shoqëruar me fjalët që në shqip përkthehen “Ai qëndron”, në korrik të vitit 2017.

Vetëm pak kohë më vonë, braziliani u transferua në PSG, transmeton Express.

Neymari ishte përfolur për një kthim në Barcelonë këtë verë, mirëpo klubi katalonas nuk arriti të gjejë marrëveshje me Paris Saint-Germaini para se të mbyllej afati kalimtar i verës, të hënën në orën 23:59.

Dhe kur ylli brazilian konfirmoi se ai po qëndron në Paris, bashkëlojtarët e tij u tallën me të duke i thënë “se queda” vazhdimisht, sipas RMC Sport.

The PSG dressing room teased Neymar when he announced he was staying on Saturday by saying “se queda” to him multiple times, according to @mohamedbouhafsi.

— Get French Football News (@GFFN) September 2, 2019

Barcelona dhe Real Madridi e kanë shprehur interesimin e tyre për Neymarin gjatë gjithë verës, mirëpo tentimet e tyre rezultuan të pasuksesshme. Dështimi i tij për ta siguruar kthimin në Barcelonë i erdhi si lehtësim bashkëlojtarëve të tij në Parc des Princes.

Një lojtar i PSG-së, identitetin e së cilit RMC Sport e mbajti anonim, tha: “Ishte një lehtësim. Ai është i rëndësishëm për projektin tonë dhe mbi të gjitha kjo e pamundëson përforcimin e Barcelonës. Është më mirë të luajmë bashkë me një Neymar pak të mërzitur sesa kundër Neymari në top formë”.

Arsène Wenger on Neymar: “I think that he is one of the best players in the world and I am happy that he is staying at PSG.” (BeIN)

— Get French Football News (@GFFN) September 2, 2019

Kjo verë për PSG-në përfundoi me transferimin e Mauro Icardit nga Interi në formë huazimi për një sezon, me mundësinë për ta blerë atë sezonin e ardhshëm për 70 milionë euro. Argjentinasi tani e përforcon sulmin e Thomas Tuchelit, që përbëhen nga Neymari, Kylian Mbappe dhe Edinson Cavani.