Ismet Munishi më nuk do të vazhdojë punën e tij si trajner tek skuadra e SC Gjilanit, ku për këtë kanë reaguar edhe nga tifogrupi i kësaj skuadre, “Skifterat”, shkruan Reporteri.net. 

Me anë të një postimi në rrjetin social, Facebook, “Skifterat” kanë falënderuar tashmë ish trajnerin e tyre, Munishin, teksa shprehën mirënjohjen dhe falënderimin për çdo gjë që ai dhuroi në klubin e Gjilanit.

“Fatkeqsisht, rrugëtimi ynë i përbashkët nuk përfundoi ashtu siç deshtëm dhe kjo na solli në situatë për të ndarë rrugët tona”, thuhet në postimin e “Skifterave”.

Skuadra nga Gjilani dhe trajneri Munishi i kanë ndarë rrugët pas disfatës që pësoi dje nga skuadra e Dukagjinit.

Këtë e kanë konfirmuar nga klubi i Gjilanit për Gazetën Online, Reporteri.net, ku së shpejti pritet të dalin me njoftim zyrtar vetë klubi.

Ismet Munishi ishte zyrtarizuar si trajner i SC Gjilanit në mars të vitit 2021.

Postimi i plotë:

Falemnderit Ismet Munishi ?

Shprehim mirënjohjen dhe falemnderimin tonë për gjithçka që dhurove në klubin tonë!

Fatkeqsisht, rrugëtimi ynë i përbashkët nuk përfundoi ashtu siç deshtëm dhe kjo na solli në situatë për të ndarë rrugët tona!

Falemnderit për korrektësinë, do të na mungoj adrenalina dhe dëshira jote e zjarrtë për luftën e madhe në fushë!

Me respekt ?