Referët po ia bëjnë vetit, kjo ndërhyrje e Rexhës nuk u sanksionua me të kuq – çarten tifozët e Drenicës

Kohëve të fundit është shtuar dhuna në futbollin kosovar, jo dhuna në tifozëri, por dhuna në gjyqtarët që drejtojnë ndeshjet e Superligës.


Rasti i fundit ishte në gjyqtarin që drejtonte sfidën Gjilani – Llapi, ndeshje kjo e cila u fitua nga vendasit e që për shkak të disa vendimeve të dyshimta, mysafirët shfaqën pakënaqësitë në refer, shkruan Reporteri.net

E sot, kur po zhvillohej sfida Drenica – Feronikeli, gjyqtari i ndeshjes nuk e ndau drejtësinë si duhet në një rast.

Futbollisti i Feronikelit, Kastriot Rexha e qëlloi me ‘këpucë’ mbrojtësin Princ Balde, por gjyqtari Kreshnik Vula vendosi ta falë sulmuesin e ‘Niklit’.

Gjeste të tilla në futbollin evropian janë të pafalshme, madje ato ndëshkohen menjëherë me karton të kuq dhe futbollisti mund të qëndrojë jashtë fushave të blerta deri në 7 ndeshje.

Dhuna nuk tolerohet asnjëherë, por kur gjyqtari kryesor duhet të kapet për gjepi, atëherë ai duhet të kapet e jo të bëjë tolerime që nxisin dhunë./Reporteri.net/