Federata Ballkanike e Atletikës ka reflektuar lidhur me prezantimin e Kosovës në Ballkanikun U20 në palestër që të shtunën mbahet në Beograd.

Fillimisht te garuesit e Kosovës ishte vendosur shkurtesa e Federatës Atletike të Kosovës, FAK. Por pas reagimit të Federatës kosovare, Federata Ballkanike ka ndryshuar shkurtesën FAK me atë të shtetit të Kosovës, KOS.

Madje është vendosur edhe flamuri i Kosovës te shkurtesa KOS.

Edhe atletët e shteteve tjera janë prezantuar me shkurtesën e vendit prej nga vijnë.

Nga Federata Ballkanike kanë thënëmë herët se ky ishte një gabim teknik i komitetit organizativ lokal dhe se do të përmirësohej.

Atletët pritet të bëhen sportistët e parë nga Kosova që garojnë në një ngjarje ndërkombëtare në territorin e Serbisë.