Menaxheri i skuadrës së Dritës është shumë afër për të thyer një rekord në Superligën e Kosovës, shkruan Reporteri.net. 

Që kur është zyrtarizuar si trajner i Dritës, Ardian Nuhiu këtë skuadër e ka kualifikuar dy herë me radhë në garat ndërmkombëtare.

Anipse këtë vit skuadra nga Gjilani ka mbetur jashtë garës për titullin kampion të Superligës së Kosovës, ata e kanë afër kualifikimin në garat evropiane.

Kësisoj, skuadrës së Dritës i nevojiten vetëm edhe tre pikë për t’u kualifikuar në garat evropiane për klube.

E, këtë nuk e ka bërë asnjë trajner në Kosovë, ku me një skuadër të Superligës së Kosovës është vetëm Nuhiu është afër të kualifikohet në tre edicione radhazi, në këto gara evropiane, i cili do të ishte një rekord i jashtëzakonshëm.

Veç kësaj, Drita do të ndeshet në fund të muajit maj me Llapin, në kuadër të Kupës së Kosovës.