Lojtarët e Anglisë do të marrin secili një bonus prej 500 mijë funteve, nëse mund ta fitojnë Kupën e Botës në Katar.

Menaxheri Gareth Southgate thuhet gjithashtu se është në linjë për një bonus prej 3 milionë funteve, nëse ai do t’i çojë Tre Luanët deri në fund këtë dimër – pasi i ka udhëhequr ata në gjysmëfinalet e Kupës së Botës katër vjet më parë dhe në finalen e Euro 2020 vitin e kaluar.

Sipas MailOnline kutia e bonusit është pothuajse dy herë më e madhe se ajo e ofruar në Rusi 2018, totalisht afërsisht 13 milionë funte.