Jadon Sancho i është kundërpërgjigjur Erik ten Hag, i cili tha se lojtari mungoi në ndeshjen ndaj Arsenalit për shkak të dështimit për të arritur nivelin e kërkuar në stërvitje.

Të shtunën, Manchester United pësoi humbje në udhëtim ndaj Arsenalit me rezultatin 3:1, shkruan Gazeta Express.

Sancho nuk ishte fare i ftuar për këtë ndeshje. Erik ten Hag zbuloi pas ndeshjes se vendimin e mori “në bazë të performancës së tij në stërvitje”.

“Jadoni, për performancën e tij në stërvitje, nuk u përzgjodh. Duhet të arrish një nivel në Manchester United çdo ditë dhe ne mund të bëjmë zgjedhje në vijën e parë. Pra për këtë lojë ai nuk u përzgjodh”, tha holandezi.

Pas kësaj deklarate reagoi Sancho përmes rrjeteve sociale, duke hedhur poshtë atë që tha trajneri i tij.

“Ju lutem mos besoni gjithçka që lexoni! Unë nuk do t’i lejoj njerëzit të thonë gjëra që janë krejtësisht të pavërteta, jam sjellë shumë mirë në stërvitje këtë javë. Besoj se ka arsye të tjera për këtë çështje që nuk do të hyj në, unë kam qenë një kokë turku për një kohë të gjatë që nuk është e drejtë!. Gjithçka që dua të bëj është të luaj futboll me një buzëqeshje në fytyrë dhe të kontribuoj për ekipin tim. Respektoj të gjitha vendimet që merren nga stafi stërvitor, luaj me lojtarë fantastikë dhe jam mirënjohës që e bëj këtë gjë që e di që çdo javë është një sfidë. Unë do të vazhdoj të luftoj për këtë simbol pa marrë parasysh çfarë!”, shkroi 23-vjeçari.