Shokon Gjokoviq: Isha i infektuar me COVID dhe shkova në një takim me fëmijë

Novak Gjokoviq, tenisti serb, ka pranuar se ka marrë pjesë në një ngjarje me fëmijë ndërsa ishte pozitiv me Covid, por tha se nuk e dinte se ishte i infektuar.

Deklarata e tij publike vjen mes pretendimeve në mediat gjermane për mospërputhje të mundshme në rezultatet e testit të yllit të tenisit nga Serbia, të cilat mund të krijojnë probleme të reja me vizën që ai do marrë.

Gjokoviq ka qenë subjekt i një shqyrtimi intensiv për dhënien e çmimeve për fëmijët në një ngjarje tenisi në kryeqytetin serb Beograd më 17 dhjetor, një ditë pas testimit pozitiv ndaj virusit, por ai ka thënë se nuk e kishte marrë vesh.

Në një postim në Instagram të mërkurën, 34-vjeçari kritikoi ‘dezinformimin’ dhe pretendoi se vetëm pas ngjarjes mësoi se ishte pozitiv me Covid.