Maurizio Sarri ka vendosur t’i lërë jashtë ekipit të Champions League dy emra të mëdhenj të ekipit.

Mario Mandzukic dhe Emre Cani janë lënë jashtë ekipit të Juventusit për Ligën e Kampionëve, shkruan Reporteri.net

Me këtë rast ka reaguar ashpër Emre Can i cili ka thënë se po ta dinte më herë që nuk do të mund të luante në Ligën e Kampionëve do të largohej nga klubi.

“Nuk mund të jap një shpjegim. Mora një telefonatë nga Sarri që as 60 sekonda nuk e kishte. Është një zhgënjim i madh, duhet të luaj në Ligën e Kampionëve. Jam i shokuar dhe i inatosur. Unë dhe këshilltari im biseduam me klube të tjera. Pasi foli me Juventusin vendosa të rrija. Për mua, një kusht ishte, të luaja në Ligën e Kampionëve. Sikur ta kisha ditur më parë, nuk do të kisha qëndruar. Tashti, do të flas me klubin dhe agjentin tim”, u shpreh i nervozuar mesfushori i Juventusit./Reporteri.net/