Sergio Ramos pretendon se nuk iu akorduan dy penallti Real Madridit në ndeshjen me Barcelonën

Barcelona dhe Real Madrid luajtën baras 0-0, në një ndeshje ku sipas kapitenit të ‘Los Blancos’ skuadrës së tij nuk iu ndalën dy penallti, shkruan Reporteri.net

“I pamë të dy rastet në pushimin e ndeshjes dhe dukej qartë që ishin penallti. Por, çfarëdo të themi tani, nuk ndryshon asgjë,” ka thënë Ramos pas ndeshjes.

Sergio Ramos : “Il y avait clairement deux penalty sur Varane. Nous l’avons vu à la mi-temps mais nous ne pouvons pas changer cela. Il y a la VAR donc je ne sais pas. Peut-être que des décisions iront dans notre sens lors des prochains matchs.” pic.twitter.com/vSs2Nm0VOM

— Real Madrid FR (@FranceRMCF) December 18, 2019

“VAR-i është vendosur për të ndihmuar lojën. Këto gjëra ndodhin në futboll dhe ne nuk mund ta ndalim. Në fund ne pamë një Real Madrid që luajti me personalitet dhe trysnonte lart.

“Mendoj se është imazhi i duhur që duhej t’u jepnim, edhe pse nuk fituam. Megjithatë, jemi të lumtur,”.

Ndryshe, Reali dhe Barcelona ndajnë pozitën e parë në La Liga me nga 36 pikë. /Reporteri.net/