Fytyrat e yjeve më të mëdhenj në botën e futbollit – Cristiano Ronaldo, Lionel Messi, Kylian Mbappe e të tjerë – janë të njohura për tifozët e këtij sporti. Mirëpo, si do të duken të preferuarit e juaj kur të plaken?

Gjatë ditëve të fundit, në rrjetet sociale është bërë trend të publikohen fotografi të edituara nga aplikacioni “Face App”, për të treguar se si mund të duken personat e famshëm kur të plaken, shkruan Gazeta Express.

Federata e Futbollit e Zvicrës ishte e fundit që ka kontribuar në këtë trend, duke publikuar fotografi që tregojnë se si do të duken yjet e Zvicrës, ndër të cilët ishin edhe ata me prejardhje shqiptare – Xherdan Shaqiri, Granit Xhaka e Albian Ajeti.

Por, si do të duken yjet e tjerë të futbollit pas më shumë se 30 vjetëve? Këtë mund ta zbuloni përmes fotografive në vijim.