Sulmuesit shqiptarë kthehen në modë në ditët e fundit të merkatos së verës.

Pas Rey Manaj në skenë del edhe emri i Sokol Cikalleshi, që mund të bëj kapërcimin e madh në karrierën e tij, duke u transferuar në Serie A italiane.

Sipas mediave në vend është Lecce që interesohet për futbollistin 29-vjeçar, që prej katër sezonesh luan në kampionatin turk.

Duke qëndruar në atë që raporton portali shumë pranë klubit “PianetaLecce.it”, drejtuesit e skuadrës pulieze kanë marrë kontakte me menaxherin e futbollistit dhe klubin e Akhisar, që ka në pronësi kartonin e tij.

Cikalleshi luajti 29 ndeshje dhe shënoi 8 gola në sezonin e fundit, ndërsa për të interesohen edhe disa klube të League 1 në Francë.