Sulmuesi i Milanit, Ante Rebic do të jetë i disponueshëm kundër Lazios të dielën, ndërsa Zlatan Ibrahimovic sot është stërvitur pjesërisht me pjesën tjetër të skuadrës, shkruan Reporteri.net.

Kuqezinjtë po përgatiten për ndeshjen e tyre të ardhshme në Serie A kundër Lazios të Maurizio Sarri në Stadio Olimpico. Ata kanë pasur vështirësi para portës gjatë javëve të fundit, duke shënuar vetëm dy herë në katër ndeshjet e fundit në të gjitha garat (të dyja në ndeshjen e tyre në shtëpi kundër Genoas).

Megjithatë, Stefano Pioli do të ketë më shumë opsione përpara të dielën pasi Rebic u stërvit me pjesën tjetër të skuadrës sot dhe do të jetë i disponueshëm kundër Biancocelesti pas dy ditësh.

Lajm i mirë edhe për Zlatan Ibrahimovicit pasi suedezi u stërvit pjesërisht me pjesën tjetër të ekipit në Milanello këtë mëngjes.

40-vjeçari nuk ka gjasa të udhëtojë me skuadrën për në Romë nesër, por, sipas Calciomercato.com, ai mund të rikuperohet në kohë për ndeshjen në shtëpi kundër Fiorentinës më 1 maj.