Menaxheri holandez Arne Slot ka nënshkruar kontratën si kryetrajner i ri i Liverpoolit.

Njoftimi zyrtar do të bëhet sipas dëshirës së klubit anglez, i cili po bëhet gati për lamtumirën e Jurgen Kloppit, përcjell gazeta online Reporteri.net.

Të gjitha dokumentet janë nënshkruar nga dy klubet dhe të premten ka nënshkruar zyrtarisht edhe trajneri holandez.

Feyenoordi do të marrë 13 milionë euro për Slotin dhe stafin e tij, shifër rekorde për futbollin holandez.

Klubi anglez pritet të sigurojë lejet e punës për disa anëtarë të stafit të Slotit.