Trajneri i Manchester United, Ole Gunnar Solskjaer, pas humbjes ndaj Manchester City në Carabao Cup ka thënë se humbën nga skuadra më e mirë në Angli.

Manchester City fitoi 2-0 ndaj United për të arritur në finalen, ku do të takohet me Tottenhamin.

“Ne luajtëm kundër një ekipi shumë të mirë të Manchester City. Ata luajtën mirë. Kur ata luajnë mirë, ju duhet të luani shumë mirë për t’i mposhtur. Na mungonte diçka”.

“Nuk është psikologjike humbjet në gjysmëfinale. Nganjëherë takon ekipe shumë të mirë, dhe ne nuk bëmë mjaftueshëm. U takuam me ekipin më të mirë në Angli”.

“Ne jemi duke u afruar me të tjerët. Ky është një version shumë më i mirë i United sesa një vit më parë”, ka thënë Solskjer.