Spanja shënon, Kosova merr dy gola për dy minuta

Është zhbllokuar rezultati në ndeshjen Spanjë-Kosovë. Kombëtarja spanjolle ka kaluar në epërsi pasi Daniel Olmo ka shënuar në minutën e 34. E menjëherë në minutën e 36, Spanja ka arritur të shënoj për 2-0.


Ferran Torres ishte golashënuesi i golit të dytë.

Deri në minutën e 34, Kosova u mbajtë mirë kundër Spanjës, e cila është një nga kombëtaret më të forta në botë.

Para ndeshjes pati shumë diskutime nëse do të intonohet himni i Kosovës në Sevija të Spanjës, vend i cili nuk e njeh pavarësinë e vendit tonë. Megjithatë spanjollët intonuan himnin e Kosovës.