Ditët kur luan Kombëtarja e Kosovës janë më të bukurat dhe fëmijët janë ata që mezi presin që t’i shikojnë nga afër futbollistët

Në stërvitjen e djeshme të Kosovës në prag të ndeshjes me Anglinë shumë fëmijë ishin të pranishëm në shkallët e stadiumit Fadil Vokrri, shkruan Reporteri.net

Teksa po xhirohej live stërvitja e Kosovës dëgjoheshin shumë zëra të fëmijëve të cilët po bisedonin dhe bënin plane si të hynin brenda në fushë madje.

“O Edon hajde knej, o Rashicë hajde qetu, o Mërgim, o Valon,” dëgjohen fillimisht duke biseduar fëmijët.

Si duket këta fëmijë merren me futboll, pasi njëri tha se i ka pajisjet gati dhe do të donte që të hynte në fushë për të stërvitur me ta.

“Krejt qeto ushtrime i bojna edhe na. Thuj unë ushtroj futboll, nashta të lejojnë me hy,”.

Më pas ata bëjnë plane se si të futen në fushë dhe të përqafojnë idhujt e tyre.

“S’po më besohet që i kam kaq afër pasha Zotin. A himë bre në fushë…,”.

Për më shumë shikoni videon e mëposhtme. /Reporteri.net/