Të gjitha qytetet dhe stadiumet janë konfirmuar. UEFA sot, gjatë mbledhjes së Komitetit Ekzekutiv, përcaktoi dhe kalendarin për Europianin 2020 që do të zhvillohet verën e ardhshme, pra 2021.

“12 qytetet pritëse janë konfirmuar si seli edhe për turneun final në verën e vitit 2021 – lexohet në komunikatë – dhe si pasojë është aprovuar edhe kalendari i ndeshjeve i azhornuar me datat e vitit tjetër”.

Ndeshja debutuese do të jetë edhe për vitin e ardhshëm Itali-Turqi, që do të luhet në 11 qershor 2021 në stadiumin “Olimpico” të Romës. Veç kësaj u konfirmua se edhe të gjitha biletat që janë blerë për turneun që duhej të ishte zhvilluar tani do të jenë të vlefshme edhe për 2021.