Kombëtarja e Suedisë ka shënuar edhe golin e tretë ndaj Kosovës në ndeshjen kualifikuese për Botërorin 2022.

Sebastian Larsson ka shënuar nga penaltia për suedezët, pasi Milot Rashica preku topin me dorë në zonën e 16 metërshit.

Pjesa e parë mes Kosovës dhe Suedisë kishte përfunduar 2-0 për mysafirët. Golin e parë e realizoi Viktor Claesson në minutën e 12-të, pas një asistimi nga Ibrahimoviq, ndërsa i dyti u shënua nga Alexander Isak, në të 35-n.

“Dardanët” patën disa mundësi të mira shënimi, siç ishin ato të Vedat Muriqit në minutën e 21-të dhe të 34-n dhe të Bersant Celinës në të 42-n ku tentoi të parabolojë portierin. Asnjëra nga to nuk u konkretizua si duhet.