Java e gjashtë në Albi Superligën e Kosovës në futboll do të mbyllet me tri ndeshje, të cilat pritet të jenë mjaft interesante.
Kryendeshja do të zhvillohet në stadiumin “Rexhep Rexhepi” të Drenasit, aty ku do të takohen kampioni dhe nënkampioni nga sezoni i kaluar, Ballkani dhe Drita.
Skuadra nga Suhareka, që deri më tani ka zhvilluar tri ndeshje në Superligë, ka po aq fitore dhe renditet e dyta në tabelë me 9 pikë.
Kurse, Drita nga katër ndeshje të zhvilluara ka grumbulluar 8 pikë dhe është e treta në tabelë.
Lideri i tabelës, Gjilani me 13 pikë, do të jetë nikoqir i Prishtinës. Kryeqytetasit ndodhen në pozitën e pestë me 7 pikë të grumbulluara nga katër ndeshje.
Ndeshja tjetër do të zhvillohet mes Ferizajt dhe Llapit. Ferizajasit ndodhen në pozitën e parafundit (9) me tri pikë, kurse llapjanët janë dy pozita më lartë më shtatë pikë.
Të gjitha ndeshjet do të zhvillohen nga ora 15:00.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.