Për herë të parë në histori të klubit “Vushtrria” do jetë një trajner i huaj.

Antonio Toma, ish-ndihmësi i parë i teknikut të njohur italian Antonio Conte ka marrë drejtimin e ish-kampionëve të vendit, teksa këtë të diel edhe është prezantuar përpara futbollistëve.

Klubi vushtrrias e ka përshëndetur Tomën në gjuhën italiane, teksa ka përshkruar edhe biografinë e tij.

“BENVENUTO ANTONIO TOM

I lindur në Maglie të Italisë, tekniku 56 vjeqar, ish asisteni i njëri nga emrat më të mëdhenj të futbollit botëror Antonio Conte, në sezonin 2009\10 ishin së bashku pjesë e klubit të njohur italian Atalanta në Seria A, më pastaj për të vazhduar karierën në klubin tjetër të njohur Lecce, fillimisht si trajner i grupmoshave U19 për dy vite me rradhë dhe pastaj si kryetrajner në vitin 2013, strategu italian Leccen e kishte udhëhequr në 13 ndeshje në Serie C, duke arritur tetë fitore dhe tre barazime, për tu kthyer prap për tri vite tjera si trajner i grupmoshave të reja deri në vitin 2017!
Në verën e këtij viti, në mediat italiane ishte përfolur për një ribashkim të mundshëm në stafin e Contes tek Interi!”, thuhet në faqen zyrtare të klubit nga Vushtrria.