Philippe Coutinho do të luajë në Bundesliga te Bayern Munich sezonin e ardhshëm. Tashmë pothuajse gjithçka është e konfirmuar.

“FC Bayern dhe FC Barcelona kanë arritur marrëveshje në parim për transferimin e Philippe Coutinho te Munich”, shkruhet në faqen zyrtare të Bayernit.

Bayerni ka konfirmuar se braziliani do të transferohet në formë huazimi për një vit nga Barcelona te kampionët e Gjermanisë.

Klubi shkruan ndër të tjera se ka opsionin e blerjes në fund të sezonit dhe se lojtarit pritet të arrijë në Munich në ditët e ardhshme për të kompletuar testet mjekësore.

Coutinho iu bashkua Barcelonës nga Liverpooli për 120 milionë euro plus 40 bonuse në fillim të vitit 2018.

Për një sezon e gjysmë, ai ka bërë 76 paraqitje, ka shënuar 21 gola, derisa ka fituar edhe disa trofe, veçuar dy La Liga.