Real Madridi, e ka Aurelien Tchouamen në listën e objektivave për afatin kalimtar të verës. Për të siguruar shërbimet e lojtarit të Monacos, Real Madrid duhet të paguajë hiç më pak se 60 milionë euro, raporton Marca, transmeton Reporteri.net.

Duket një shumë e shtrenjtë, por është e qartë se Real Madrid nuk ka një zëvendësues ideal për Casemiron.

Sipas skautëve nga Madridi, Tchouamen shihet si lojtar perfekt i cili do të mbulonte pozitën e mesfushorit defansiv, njëkohësisht ai shihet si zëvendësues ideal i Casemiros.

Ish-lojtari i Rennes mund të luajë në disa role në mesfushë, por ai tashmë ka shprehur dëshirë që të luajë në pozitën e mesfushorit qendror. Lojtari i Monacos shënoi golin e tij të parë për Francën kundër Bregut të Fildishtë dhe askush nuk dyshon se ai ka fituar vendin e tij nën drejtimin e Didier Deschamps.

Për t’i siguruar shërbimet e Tchouamneit janë të interesuara edhe klube si: Paris Saint Germian dhe Chelsea.

Sipas Transfermarkt, kartoni i Tchouamenit vlerësohet në shumën e 40 milionë eurove./Reporteri.net