Milot Rashica shënoi gol shumë të bukur në përballjen kundër Dortmundit

Werderi dje luajtir baraz 2-2 me Dortmundin në Signal Iduna Park me Milot Rashicën që u rikthye në fushë pas një lëndimi që e la atë jashtë për më shumë se një muaj, shkruan Reporteri.net

Ylli nga Vushtrria realizoi golin e parë në këtë takim dhe atë pas vetëm tetë minutave lojë.

Ai pranoi një top të bukur nga Klassen dhe më pas shënoi në mënyrë brilante duke e lënë të shtangur portierin e Dortmundit.

Pas ndeshjes Rashica postoi një foto në Instagram, derisa nuk munguan urimet nga shokët e tij nga Kombëtarja e Kosovës.

“Urime Raketë,” i ka komentuar Florent Hadërgjonaj.

“Bravo vëlla” ka shkruar Arbër Zeneli, i cili mezi po pret që të rikthehet në fushë.

“Bravo vllaçko,” i ka thënë Valon Berisha.

Këto komente tregojnë se djemtë e Kombëtares së Kosovës janë shumë të bashkuar dhe nuk hezitojnë ta urojnë njëri-tjetrin pas çdo suksesi të arritur.

Milot, formën e mrekullueshme barte edhe me Kombëtaren në tetor. ‘Bombardoje’ Malin e Zi ashtu si Dortmundin. /Reporteri.net/