Të rinjtë e Kombëtares së Kosovës e kanë fituar një turne të organit qeverisës së futbollit evropian, UEFA, në Letoni, duke e lënë prapa nikoqirin e këtij turneu.
Kombëtarja e Kosovës U17 e ka zënë vendin e parë në turneun zhvillimor të UEFA-s që u mbajt në Letoni, njofton Federata e Futbollit e Kosovës.
Pas fitores 1:0 kundër Andorrës dhe 4:2 në penallti ndaj Letonisë, të përzgjedhurit e Besnik Kollarit në ndeshjen e fundit e kanë mposhtur San Marinon, me rezultat 2:0.
Golin e parë për Kosovën e realizoi Yll Tupalla, në minutën e 35-të, derisa rezultatin përfundimtar e vendosi Arbër Bytyqi, me golin e shënuar në minutën e 44-t.
Kësisoj, Kosova e mbyllur këtë turne në vendin e parë, derisa Letonia u rendit e dyta, Andora e treta dhe San Marino e fundit pa asnjë pikë./Reporteri.net/
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.