Federata e Futbollit e Çekisë është gjobitur të premten nga UEFA, përkatësisht nga Trupi i Kontrollit, Etikës dhe Disiplinës (CEDB).

Kosova më 14 nëntor luajti në Plzen kundër Çekisë ndeshjen e vlefshme për kualifikueset e EURO 2020 ku u mposht 2-1, shkruan Reporteri.net

Gjatë këtij takimi ishin shfaqur flamuj të Serbisë në të cilët shkruante: “Kosova është Serbi”.

Kështu UEFA dje e ka dënuar Federatën e Futbollit të Çekisë me 17 mijë e 500 euro për mesazhet provokuese të tifozëve.

“CEDB ka vendosur të dënojë Federatën e Futbollit të Çekisë me 17.750 euro për mesazhe provokuese politike dhe për hedhje të gjësendeve”, thuhet në njoftimin e UEFA-s./Reporteri.net/