Tifozët e Trepçës ’89 gjejnë një mënyrë të veçantë për ta ndjekur ndeshjen ndaj Prishtinës

Prishtina ka shënuar një fitore tejet të rëndësishme në udhëtim te Trepça’89 në kuadër të ndeshjes hapëse të xhiros së 22.


Takimi ishte spektakël në vete, me bardhekaltërit e Ramadanit që ia arritën qëllimit fare në sekondat e fundit.

Lumbardh Dellova hapi serinë e golave në minutën e 53′, ndërsa Arbnor Muja barazoi gjithçka në atë të fundit të kohës së rregullt. Kur u mendua se dueli do të mbyllej me barazim, në skenë doli Leonit Abazi, që me volej-goditje shënoi për 1-2.

Pas ndeshjes ka pasur disa përplasje verbale mes dy skuadrave, përplasje kjo që lehtësisht ka mundur të kthehet edhe në konflikt fizik, shkruan gazeta blic.

Poashtu, edhe pse e kanë të ndaluar të shikohen ndeshjet nëpër tribuna shkak i ndalimit për mos-përhapjen e viruist, sot shikuesit e Trepçës ’89 kanë sakrifikuar vetëm e vetëm për ta shikuar klubin e tyre të zemrës.