Mbrojtësi i krahut i Kosovës, Mërgim Vojvoda po bën paraqitje të mrekullueshme me skuadrën e Torinos, përcjell Reporteri.net.

E, pas paraqitjeve të mira të lojtarit shqiptar, drejtuesit e skuadrës së Torinos po mendojnë që të i rinovojnë kontratën atij.

Anipse kontrata e tij skadon në vitin 2024, nga Torino po mendojnë se mund që të përfitojnë më shumë nëse i rinovojnë kontratën atij.

Së fundmi, siç raporton media italiane, Football Italia, drejtuesit e AC Milan janë duke vëzhguar lojtarin e Kosovës.

Vlen të përmendet se Vojvoda është duke u parë si alternativë e Calabria në të majtë, pasi që nuk është në formën e duhur këtë vit.

Por, drejtuesit e kuqezinjve ende nuk kanë paraqitur asnjë ofertë lidhur me të.

Ndërkaq, sa i përket porterit të Torinos, Etrit Berisha, ani kishte qenë duke u larguar, por tani ka fituar besimin e trajnerit, Juric, i cili ka bërë paraqitje shumë të mira për skuadrën nga Turin.