Skuadra e Prishtinës përsëri ka bërë gabim në shtëpinë e saj në përballljen ndaj Drenicës, shkruan Reporteri.net.

Prishtinasit barazuan 1-1 me Drenicën, në kuadër të javës së 30-të në BKT Superligën e Kosovës.

E, kjo mundet që të iu kushtojë shumë kryeqytetasve, të cilët janë duke luftuar për mbijetesë në Superligën e Kosovës.

Pas barazimit nga Drenica, trajneri i Prishtinës, Abdullah Ibrakovic tha se po gabojnë në mbrojtje, ku është shprehur shumë i pakënaqur.

“Shumë gabojmë në mbrojtje, kjo po na ndodhë në shumë ndeshje. Duhet të bëjmë më të mirën me këtë që e kemi”.

“Nuk kemi gjetur zgjedhje ndaj mbrojtjes së fortë të Drenicës”, ka deklaruar Ibrakovic pas ndeshjes për Art Sport.

Bardhekaltrit ndeshjen e ardhshme do ta zhvillojnë në udhëtim te Gjilani, derisa Drenica është nikoqire e Ulpianës.