Alban Bushi, e ka lavdëruar aq shumë Lirim Kastratin saqë ka thënë se pa të në fushë Kosova U-21 as që do të mund t’i afrohej zonës së 16-shes së Shqipërisë U-21

Shqipëria U-21 e mposhti me rezultat 2-1 Kosovën U-21 ditë më parë në ndeshjen e vlefshme për kualifikueset e Euro 2021, shkruan Reporteri.net

Trajneri i U-21 të Shqipërisë, Alban Bushi ka thënë se Kosova U-21 nuk do të mund të rrezikonte portën e skuadrës së tij në rast se nuk do ta kishte në fushë Lirim Kastratin.

“Kosova ka një ekip të fortë. Në pjesën e dytë ishte më mirë, por në pjesën e parë e dominuam ne dhe humbëm 4 raste të pastra dhe të sigurta për gol,” ka thënë Bushi.

“Unë mund të them këtë. Nëse Kosova nuk do e kishte Lirim Kastratin, as që do i afrohej 16-shes së Shqipërisë. Ndryshe nga ne, që po e qarkullonim topin dhe lojën tonë”./Reporteri.net/