Spanja ruajti rekordin e saj 100% në Euro 2024 pasi mundi dhe eliminoi Shqipërinë. Shqipëria realisht kishte nevojë të fitonte për të përparuar, por kjo humbje, së bashku me barazimin 1-1 të Italisë kundër Kroacisë, bëri që skuadra e Sylvinhos të përfundonte në fund të grupit.

Shqipëria nuk ka luajtur asnjëherë në një Botëror dhe kjo ishte hera e dytë që ajo shfaqet në Kampionatin Evropian, tetë vjet pasi nuk arriti të dilte nga faza e grupeve. Detyra e tyre dukej gjithmonë jashtëzakonisht e vështirë, pasi ata u barazuan përkrah Spanjës, kampionëve në fuqi të Italisë dhe finalisteve të Kupës së Botës 2018, Kroacisë.

BBC shkruan se pavarësisht humbjes,  kombëtarja shqiptare fitoi shumë admirues. Ata shënuan pas vetëm 23 sekondash për të kaluar në epërsi ndaj Italisë me golin më të shpejtë në historinë e Euro 2024. Ata humbën përfundimisht 2-1 ndaj Italisë, por në ndeshjen e tyre të dytë ata shënuan golin e barazimit pesë minuta pas pushimit të pjesës së dytë për të barazuar 2-2 me Kroacinë.

Shqipëria luftoi fort kundër Spanjës dhe me Brojën që shkaktonte probleme, ata shtynë para për të shënuar një gol që do ti rendiste të tretët në grup për të mbajtur gjallë shpresat shumë të pakta për kualifikim.

Mirëpo, përgjatë gjithë kësaj rruge, përkrahja e tifozëve shqiptarë, në të gjitha ndeshjet e tyre në këtë rrugë të shkurtër të Evropianit, ishte nga më të dalluarat, shkruan BBC.

Fanellat kuq e zi vërshuan në rrugët e qyteteve të Gjermanisë, si asnjëherë më parë.