Sot do të zhvillohet ndeshja e barazhit të Ligës së Parë, mes Ulpianës dhe Lirisë.

Të dy skuadrat, që mbyllën sezonin në pozitën e dytë në grupet e tyre përkatëse, synojnë të bëjnë hapin e parë drejt ngjitjes në elitën e futbollit kosovar.

Skuadra fituese pastaj do të takohet me skuadrën që do ta mbyllë sezonin si e teta në Superligë. Kjo do të mësohet të dielën, kur do të zhvillohet xhiroja e fundit.

Ferizaj dhe Trepça ’89 janë skuadrat që po “luftojnë” për atë pozitë.

Ndeshja e sotme, mes Ulpianës dhe Lirisë, do të zhvillohet nga ora 15:00, në stadiumin “18 Qershori” të Klinës.