Ndihmoi skuadrën me aq sa mundi, por jo edhe për ta fituar duelin tejet të rëndësishëm përballë Antalyasporit në udhëtim.

Fenerbahce luajti baras 2-2, madje duke barazuar fare në fund të takimit.

Sulmuesi kosovar, Vedat Muriqi realizoi golin e parë për ekipin e tij pas katër javësh mungesë, derisa njëherit ky ishte i 13’ti këtë edicion me “verdhë e kaltërit” nga “Sukru Saracoglu”.

Gjithsesi, pas ndeshjes ai ka deklaruar se nuk i interesojnë fort golat, kur ekipi nuk fiton.

“Kanë kaluar disa javë pa shënuar gol, por kur ekipi s’fiton, s’është me rëndësi a kam shënuar apo jo. Sot fatkeqësisht nuk ndodhi ashtu. Goli im nuk kreu punë për skuadrën”, tha ndër të tjera prizrenasi, raporton NTV.