Është konfirmuar se Italia dhe Argjentina, do të luajnë në stadiumin “Wembley” më 1 qershor, garë kjo e cila do të jetë ndërmjet fitueses të Kupës së Evropës dhe asaj të Amerikës, transmeton Reporteri.net. 

Italia triumfoi ndaj Anglisë në stadiumin “Wembley“ me penallti në verën e kaluar për ta fituar UEFA EURO 2020, trofe ky i cili i mungonte Italisë gjatë.

Ndërkaq, Argjentina mposhti Brazilin 1-0 në finalen e Kupës së Amerikës dhe u kurorëzua kampione e Amerikës së Jugut për herë të parë në 28 vjet.

Më parë u tha se do të luhej në një fazë në qershor në Londër, por vendi dhe data e saktë nuk ishin ende zyrtare.

Kjo nuk është hera e parë që planifikohet një përballje e tillë, pasi ka ndodhur edhe në vitet 1985 dhe 1993, kur u quajt Trofeu Artemio Franchi, ose Kupa e Kombeve të Evropës/Amerikës së Jugut.

Ky trofe u ringjall këtë vit si pjesë e një marrëveshje të rinovuar midis UEFA-s dhe CONMEBOL.