Jordan Veretout ka humbur vendin e tij si titullar në Romë dhe ai është i destinuar të largohet nga Roma e Jose Mourinhos në verë, përcjell Reporteri.net.

29-vjeçari francez filloi pothuajse çdo ndeshje të Serie A nën drejtimin e trajnerit portugez në gjysmën e parë të këtij sezoni, duke humbur vetëm një ndeshje për shkak të një pezullimi me karton të verdhë.

Megjithatë, që nga ardhja e Sergio Oliveira në janar, gjërat kanë marrë një kthesë negative.

Siç raporton La Gazzetta dello Sport, Veretout ka nisur vetëm një ndeshje në Serie A që nga ardhja e Oliveiras në afatin kalimtar të janarit, duke luajtur 68 minuta të fitores ndaj Spezias.

Francezi shpreson të startojë kundër Napolit të hënën në mbrëmje, duke kërkuar të tregojë aftësitë e tij përpara një shitjeje në verë.

Rinovimi i kontratës së Veretout ka qenë në pritje për muaj të tërë dhe është e qartë tani që nuk do të finalizohet, që do të thotë se ai duhet të përgatitet të shikojë përreth për një klub të ri.

Roma kërkon rreth 15 milionë euro për nënshkrimin e tij dhe një marrëveshje mund të mbyllet për 13 milionë euro plus shtesa.

Milani është i prirur ta marrë atë gjatë verës dhe Olympique Marseille gjithashtu i ka vënë sytë tek ai.

Veretout si ricandida: ma il suo futuro sembra lontano dalla capitale (e dall'Italia) #NapoliRoma https://t.co/8pVKFpAg5Y

— La Gazzetta dello Sport (@Gazzetta_it) April 16, 2022