Ka përfunduar pjesa e parë në ndeshjen ndërmjet Feronikelit dhe Dritës, shkruan Reporteri.net.

Skuadra e Dritës ka bërë një lojë të nivelit të lartë, duke shënuar në minutat e hershëm të ndeshjes.

Golin për të dërguar në avantazh skuadrën mysafire e shënoi Marko Simonovski në minutën e 12-të.

Ndërkaq, këtë avantazh e dyfishoi pas 13 minutave Almir Kryeziu, ku më pas në minutën e 34 shënoi Hamdi Namani për Dritën, për të i siguruar një rezultat të thellë skuadrës së tij.

Vetëm tre minuta më vonë, Simonovski e shënoi golin e tij të dytë si dhe të katërtin për skuadrën e tij, duke çuar rezultatin në 0-4.

Nëse kjo ndeshje përfundon në favor të skuadrës nga Gjilani, ata do të renditen në vendin e dytë me 52 pikë të grumbulluara, aq sa ka Gjilani.

Ndërsa, skuadra nga Drenasi qëndron në fund të tabelës me 12 pikë gjithsej.