Ish-mesfushori i Barcelonës dhe Bayern Munichut, Arturo Vidal, e pa funeralin e babait të tij drejtpërdrejt në Instagram, në mënyrë që ai të luante në finalen e Kupës së Brazilit.

Reprezentuesi kilian, i cili numëron Juventusin, Bayer Leverkusen, Interin, Barcelonën dhe Bayern Munichun midis ish-klubeve të tij, u transferua te gjiganti brazilian Flamengo në korrik pas largimit nga Interi.

Mesfushori thuhet se i tha klubit të tij të ri se ai nuk do të kthehej në Santiago, qytetin e tij të lindjes, në mënyrë që t’i bënte nderimet e tij babait të tij të ndjerë Erasmo.

Erasmo, 61 vjeç, vdiq të martën në një hipodrom në Santiago ku kujdesej për kafshët e djalit të tij – pasi ai pësoi një arrest kardiak, transmeton Express.

Motra e Vidalit, Ambar shkoi drejtpërdrejt në Instagram për të transmetuar funeralin dhe Vidal shpërtheu në lot.

Mesfushori hyri në fushë pas 65 minutash të ndeshjes së parë me Corinthians në finalen e Copa do Brasil të enjten, e cila përfundoi 0-0.

Para ndeshjes, Vidal kishte postuar në rrjetet sociale: “Babi, sot do të më mungojë mesazhi yt i fatit para ndeshjes. Por unë e di që ju do të na mbështesni nga Parajsa. Ne do ta fitojmë këtë kupë dhe tjetrën për ju dhe për të gjithë ata që më mbështesin çdo ditë”.