Deontay Wilder e ka mposhtur Luis Ortizin me nokaut në rundin e shtatë dhe kështu vazhdon të jetë kampion i peshave të rënda në WBC

Në AMG Arena të Las Vegasit u zhvillua meçi ndërmjet Wilder dhe Ortizit, ku fitues doli boksieri amerikan, raporton Reporteri.net

Wilder e nokautoi në rundin e shtatë Ortizin ku ia dha një grusht shumë të fortë që ishte i pa përballueshëm për kubanezin.

Deontay Wilder’s right hand strikes again ?@BronzeBomber KOs Luis Ortiz in the 7th round of their WBC heavyweight title fight. pic.twitter.com/hGumNcPOGx

— ESPN (@espn) November 24, 2019

Më poshtë e keni përmbledhjen e këtij meçi:

Rundi i parë: Të dy boksierët u treguan të kujdesshëm dhe nuk sulmuan shumë njëri tjetrin. Ortiz ishte pak më këmbëngulës, dhe ia dha një goditje Wilderit.

Rundi i dytë: Ngjashëm si i pari, boksierët u treguan të vemendshëm duke ruajtur energjinë dhe duke mos sulmuar shumë njëri-tjetrin.

Rundi i tretë: Ortiz ka një dëshirë më të madhe për të bërë diçka më shumë dhe ia jep disa goditje ëilderit, por që dolën të jenë të përballueshme për amerikanin.

Rundi i katërt: Ortiz e dërgon në njërën nga qoshet dhe ia jep disa goditje. Lufta nxehet kur ëilder buzëqesh dhe godet veten në gjoks.

Rundi i pestë: Kubanezi 40 vjeçar ka një dëshirë më të madhe për të dominuar dhe ta fituar këtë takim, por që amerikani po pret momentin e duhur për ta ndëshkuar. Në këtë rund nuk pati ndonjë gjë për t’u përmendur.

Rundi i gjashtë: Nis me dominim të lehtë të Ortizit dhe me një goditje të fortë me të djathën në drejtim të Wilderit.

Rundi i shtatë: Meçi fillon të bëhet interesant pasi tani të dy boksierët më në fund fillojnë të luftojnë njëri me tjetrin. Pak sekonda pa përfunduar ky rund një goditje e fuqishme e Wilderit doli të jetë fatale për Ortizin.

The baddest man in boxing. What a KO by Deontay Wilder. ? #WilderOrtiz pic.twitter.com/UU3CnCmCd4

— Harrison Klopp (@HarrisonKlopp) November 24, 2019

Kështu, tani Wilder vazhdon të mbetet kampion i peshave të rënda në ëBC dhe tani ka 42 meçe, 41 fitore, 1 barazim, ndërsa Ortiz ka në total 32 përballje me bilanc prej 30 fitoreve dhe 2 humbjeve, që të dy humbjet i ka nga Wilder. /Reporteri.net/